Góðan daginn fyrir nokrum árum sá ég uppskrift hjá ykku af saltfisksalat með apelsínum í þetta hefur sennilega verið fyrir 4.árum kveðja Guðbjörg

Gestgjafinn svarar:

Sæl Guðbjörg. Hér er uppskrkftin sem þú baðst um. Póstkerfið hjá okkur hefur verið í einhverju lamasessi. Ég vona að þessi sending gangi og kannski er hún komin oft inn. Kveðja, ritstjórni.

Saltfiskssalat

fyrir 6-10

200 g saltfiskur eða smálúða

1 blaðlaukur, sneiddur

1 dl ólífuolía

4 msk. sérrí- eða estragonedik

2 tsk. salt

1 tsk. grófmalaður, svartur pipar

3 hvítlauksrif, söxuð

2 rauðlaukar, skornir í þunnar sneiðar

4 appelsínur, skrældar og skornar í þunnar sneiðar

½ dl svartar ólífur

½ dl grænar ólífur

steinselja, söxuð

Roð- og beinhreinsið saltfiskinn og skerið hann í litla bita. Blandið honum saman við blaðlaukinn. Hrærið saman olíu, edik, salt, pipar, og hvítlauk og hellið helmingnum af blöndunni yfir fiskinn. Geymið hann í kæli yfir nótt. Blandið lauk- og appelsínusneiðum saman við afganginn af olíublöndunni og látið standa í 1-2 klst. Raðið nú öllu á fat og skreytið með ólífum og steinselju.