Hugleiðingar um alls kyns matar- og víntengd efni.
Lesendum gefst kostur á að segja skoðun sína við hverja færslu.
Matarsýning í London
Ef þið eigið leið til London í byrjun desember, þá langar mig að benda á að matarsýningin The Festive BBC Good Food Christmas Show er haldin þar í Earls Court-sýningahöllinni helgina 2.-4. desember. Þar er hægt að sjá allt sem tilheyrir enskum matarjólum, smakka á alls konar góðgæti, kaupa ýmis eldhústæki og fleira, sjá fræga kokka að störfum og fleira.
Ég fór á þessa sýningu í fyrra og hafði gaman af. Fékk að smakka margvíslegt ljúfmeti, keypti eitthvað af jólagjöfum og eitt og annað á jólaborðið hjá mér og safnaði fjölda hugmynda í sarpinn. Reikna með að fara aftur í ár.
Nanna
