Hugleiðingar um alls kyns matar- og víntengd efni.
Lesendum gefst kostur á að segja skoðun sína við hverja færslu.
Súkkulaðihúðuð skordýr
Ég hef áður minnst á að í Bandaríkjunum er að ég held hver einasti dagur ársins helgaður einhverri ákveðinni fæðutegund. Og í dag er víst National Chocolate Covered Insect Day - súkkulaðihúðuðu-skordýra-dagurinn. Hmm, ég er nú ekki viss um að sá dagur sé verulega þekktur og þeir eru liklega ekki margir sem halda upp á hann með því að bera fram súkkulaðihúðaðar pöddur.
Ég sá reyndar í fyrra að í ekki ómerkari búð en Fortnum og Mason í London er hægt að kaupa súkkulaðihúðaða maura. Ég keypti samt enga.
