Út er komið 7. tbl. Gestgjafans sem fjallar um ferðalög og garðveislur. Í því er að finna tilvaldar uppskriftir að mat sem gott er að hafa í ferðalaginu og aðrar sem eiga einstaklega vel heima í garðveislunni. Glæsileg grein um appelsínur og hollustu þeirra varð okkur að yrkisefni en í blaðinu eru líka greinar um ferðalög erlendis og má þar nefna skemmtilega og fræðandi ferðagrein um París og aðra um Róm. Gestgjafanum fylgir að þessu sinni sérstök Útileguhandbók

Kökublað Gestgjafans hefur um árabil verið eitt vinsælasta tölublað ársins, ef ekki það vinsælasta. Nýútkomið kökublað ærir lesendur með uppskriftum og myndum á heimsmælikvarða. Hver einasta er meistaraverk í sjálfri sér. Að þessu sinni er hefðbundinn þáttur með uppáhaldskökum nokkurra sælkera, svakalegur súkkulaðiþáttur, ostakökuþáttur, skúffukökuþáttur, smákökuþáttur og konfektgerð

Áður en hátíðirnar bresta á erum við með hugann við hollustuna og budduna og þess vegna er nýjasta tölublað Gestgjafans uppfullt af hollustuefni og ódýrum réttum. Það gerum við til þess að geta farið með betri samvisku inn í hátíðatímabilið sem við vitum að einkennist í mörgum tilfellum af miklum málsverðum með tilheyrandi stemningu. Við köllum nýjustu afurðina "SKYNSEMISBLAÐIÐ".

Nú er árstíminn þegar náttúran gefur okkur hvað ríkulegustu gjafirnar í formi grænmetis, berja og lúxushráefnis á borð við lax og silung sem margir veiða sjálfir í ám og vötnum eða fá ferskt í verslunum. Þeir sem hafa ekki aðstöðu til ræktunar grænmetis heimavið geta nú farið á markaði sem hafa verið stofnsettir víða um land eða fengið hráefnið brakandi ferskt í næstu verslun.

Við svöruðum spurningunni hver munurinn væri á BBQ- og grilleldamennsku í síðasta tölublaði en nú tökum við fyrir BBQ-uppskriftir. Okkur langaði í hæga eldamensku. Maturinn bragðast einfaldlega öðruvísi. Nú borðum við matinn úti ef kostur er og eyðum góðum tíma í eldamennskuna með ólíkum aðferðum. Nú er tíminn!

Nú er það létta fæðið sem við fjöllum um. Kjúklingur í mörgum myndum, kalkúnakjötið meinholla, gómsæt bleikjuflök á fimm vegu og dýrindis veisla frá Líbanon. Þá kíkjum við á spennandi matreiðslunámskeið og hvernig hægt er að gera kryddjurtaræktun á ódýran máta.

Ljúffengar hvolfkökur með mismunandi fyllingum eru alveg þess virði að prófa

Við sýnum ykkur í þessu tölublaði hvernig hægt er að taka inn í daglega fæðu sumt af því sem forfeður okkar fundu út að gerir líkamanum gott. Sumt hefur núna verið vísindalega sannað að er rétt. Annað tökum við trúanlegt af því að gengnar kynslóðir þrifust vel á þessu fæði.

Út er komið 17. tbl. Gestgjafans sem hefur að geyma „bestu“ uppskriftir ársins 2009. Síðan völdum við „bestu uppskriftina“ í hverjum flokki. Við gerðum okkur að leik að gefa uppskriftunum einkunn eftir bragði, útliti og tíma sem það tekur að útbúa þær. Víð tókum líka út bestu veitingastaðina. Þetta er mjög forvitnileg úttekt og þess virði að skoða.

KÖKUBLAÐ Gestgjafans er komið út með yfir 80 uppskriftum að ljúfum kökum og sniðugum hugmyndum. Heimagerður aðventukrans, uppáhaldskakan og kryddið dýrmæta, kanill. Formkakan endurnýjuð, heimsókn í Hrekkjarvökupartí og börnin baka smákökur. Hvítar kökur eru á boðstólnum í KÖKUBLAÐINU.

Villibráðarblaðið er komið út en þar tökum við fyrir alla innlenda villibráð sem okkur býðst eins og hreindýr, gæs, rjúpu, endur o.s.frv. og útbúum sælkerafæði úr hráefninu. Nokkrir þekktir veiðisnillingar gáfu okkur uppskriftir að uppáhaldsvillibráðarréttinum auk þess sem föstu þættirnir eru með villibráðarþema.

Yfir 60 spennandi og flottar uppskriftir prýða síður Klúbbablaðs Gestgjafans!

Enginn neitar því að þetta séríslenska fyrirbæri sem á rætur að rekja til gamla „saumaklúbbsins“ gegnir mikilvægu hlutverki í samfélaginu. Tíska kemur við sögu í klúbbaveitingum eins og í öðru. Svokallaðir brauðréttir hafa löngum verið hvað vinsælastir en margs konar súpur og salöt hafa orðið vinsælir klúbbaréttir í seinni tíð.

Nú er uppskeran í hámarki og þeir sem voru forsjálir nýttu sumarið til að láta jörðina fóstra fræ og útsæði og skila svo dásamlegum verðmætum til að nýta í dýrindis rétti. Þetta nýttum við okkur hér á Gestgjafanum, settum saman uppskriftir og sjá má afraksturinn hér á síðunum. Í hillum verslana má núna fá allt þetta ferska hráefni og um að gera að nota það á meðan hægt er.

Í þessu tölublaði höldum við áfram að nýta okkur sumarið og náttúruna við matargerðina. Við notum t.d. hundasúrur í uppskriftirnar! Ódýrara gerist það ekki. Við fórum í fjöruferð með nokkrum hressum krökkum þar sem eldað og borðað var undir berum himni í yndislegu veðri. Einnig má nefna veglegan þátt með samlokum og grillbrauði sem einfalt er að útbúa hvar sem er og við höldum áfram að láta ykkur vita af skemmtilegum og áhugaverðum stöðum sem gaman er að heimsækja í sumar!

30 frábærar nestishugmyndir finnur þú í skemmtilegu og sumarlegu tölublað er komið í verslanir! Góðar hugmyndir að sumarlegum og matarmiklum salötum, grillkolakönnun og upprennandi kokkar í Hólabrekkuskóla eru meðal efnis. Þá eru heimsins bestu samlokur og gómsætar súpur.

Grilltíminn er nú runninn upp með stútfullu Gestgjafablaði af hugmyndum. Edda Heiðrún Backman listakona og -kokkur bauð til glæsilegrar veislu og við fengum að fylgjast með henni og lesendur fá að sjá hvað hún bauð nokkrum leikkonum og sælkerum upp á.

Við sýnum í máli og myndum hvernig heitreyking á grilli fer fram, grillum alls konar fisk sem hefur legið í mismunandi kryddlegi, gefum uppskriftir að meðlæti, sósum, ávaxtasalötum, brauði sem bakað er á grilli og að stórsteikum

Sneisafullt tölublað um allt sem tengist fermingum og barnaafmælum .Við skoðum hugmyndir, ráð, afmæliskökuna og ævintýralegar skreytingar. Þá eru pottréttir, salöt, veislutertur, skreytingar fyrir fermingarveisluna og þrep fyrir þrep að frábærri kransaköku. Ásamt þessu öllu skoðum við uppáhaldsrétti barnanna, hinn fullkomna grjónagraut og margt fleira.

Við höfum valið 140 bestu uppskriftirnar fyrir árið 2008. Þær eru girnilegar, gómsætar og ómótstæðilegar! Bestu forréttirnir 2008 / Bestu aðalréttirnir / Meðlæti / Kökur og eftirréttir / Súpur og brauð / Gómsætt án sykurs / Besti grænmetisrétturinn

Jólablað Gestgjafans er kemur út á morgun með 150 hugmyndum að hátíðamat, skreytingum og jólagjöfum. Hangikjötið á nýjan hátt, ilmandi jólaepli í eftirrétt og fiskur í forrétt á meðal efnis. Við skoðum hátíðarvínin og athugum hvað fer með hverju, útbúum framandi áramótaveislu og gefum þér uppskriftina að hinum eina sanna jólaís.

Fljótlegir og ódýrir réttir fyrir fjóra undir þúsund krónum og brúðkaup Arnars Gauta finnur þú í næsta Gestgjafa! Þá sýnir Gestgjafinn hvernig hægt er að halda upp á fimmtugsafmæli með stæl, en með litlum tilkostnaði og góðri skipulagningu.

Í þessu tölublaði má meira að segja finna hugmyndir að því hvernig nota má hráefni úr eldhúsinu í snyrtivörurnar frekar en að kaupa þær dýrum dómum í verslunum. Og nú er árstíminn þegar náttúran hér á landi er gjöfulust. Þeir sem hafa verið duglegir við að rækta sjálfir fá nú ríkulega uppskeru eftir mjög gott sumar. Hinir geta keypt ferskt grænmeti og ávexti í verslunum og notað hugmyndirnar úr þessu tölublaði til að útbúa dásamlega og heilsusamlega rétti úr öllu þessu dýrlega hráefni.

Gestgjafinn er að venju sneisafullur af girnilegum uppskriftum og að þessu sinni má finna yfir 50 uppskriftir í blaðinu. Þetta 5. tölublað ársins er tileinkað fiski og kjúklingi.

Þegar við hugsum um samsetningu á „léttum“ mat er fiskur og kjúklingur ofarlega á blaði. Rauða kjötið er tormeltara og oft talað um þungar steikur en ekki léttar. Með það í huga lögðumst við undir feld og útbjuggum nokkrar frábærar uppskriftir.

Þetta síðasta tölublað ársins er tileinkað léttum réttum, eftir þunga matinn sem tilheyrir hátíðunum er gott að slaka aðeins á og skipta yfir í hollustuna. Meðfylgjandi er svo aukablað sem inniheldur 60 bestu uppskriftirnar fyrir árið 2007

Margrómað KÖKUBLAÐ Gestgjafans er komið út. Ef ætlunin er að standast freistingar þessa dagana er ekki ráðlegt að kaupa þetta tölublað því þar er að finna ómótstæðilegar uppskriftir.

Þær er aftur á móti tilvalið að nota til að prófa staðfestu þeirra sem vilja sanna fyrir sjálfum sér og öðrum að þeir geti staðist slíkar freistingar.

Hið vinsæla Klúbbablað Gestgjafans er loksins komið út! Lesendur Gestgjafans hafa beðið blaðsins með eftirvæntingu, enda verður blaðið glæsilegra með hverju árinu sem líður.

Súpuklúbburinn - Besta brauðið - Uppháhaldsklúbbarétturinn - Árstíðir á markaðnum - Eplaréttir

Afmælishugmyndir í löngum bunum, bæði að veitingum og skreytingum í afmæli fyrir fólk á öllum aldri. Morgunverðarafmæli, smáréttaafmæli, kaffiafmæli með kökum og barnaafmæli. Látið ykkur dreyma og þið finnið svörin í 11. tbl. Gestgjafans.

10. tölublað Gestgjafans er komið út með umfjöllunum og uppskriftum sem sóttar eru til náttúrunnar sem nú skartar sínu fegursta og gjöfulasta.

Allt dásamlega grænmetið er nú fullþroskað eins og það verður best og fallegast og við lékum okkur með þetta frábæra hráefni í Gestgjafaeldhúsinu. Útkoman er á síðum nýjasta tölublaðsins í máli og myndum. Hollustan er ekki umdeild og bragðið er eins gott og það getur orðið ljúffengast.

Sumarfrí og ferðalög eru í hámarki núna en nú er á sölustöðum 8. tbl. Gestgjafans. Þetta tölublað er því tileinkað ferðalögum innan lands og utan, útilegum og hestaferðum og þar kemur matur og matargerð að sjálfsögðu við sögu á nýstárlegan máta.

Lesendur Gestgjafans hafa óskað eftir því að áhöfn Gestgjafans fjalli um „mömmumatinn“, þennan gamla og góða. Ákveðið var að verða við þessum óskum og að þessu sinni er það heimilismaturinn sem fyllir Gestgjafann, nýir og gamlir réttir í bland.

Þar er megináhersla lögð á veislur og veislumat, hvort sem tilefnið er stórt, svo sem ferming eða brúðkaup, eða bara matarboð fyrir vini og ættingja. Þar er að finna fjölda hugmynda að veisluföngum og borðskreytingum og því hvernig best er að haga undirbúningi á sem skynsamlegastan hátt.

Gestgjafinn er að þessu sinni tileinkaður þemanu huggulegt heima og snýst efni blaðsins um hvernig maður getur notið þess til hins ýtrasta að hafa það kósí heima núna á þessum dimma og kalda árstíma.