Grænkál

Gleymda kálið

Grænkál er eitt vannýttasta kál sem um getur. Grænkál er frumstæð og harðgerð grænmetistegund og auðveldara er að rækta það en aðar káltegundir auk þess sem það kemur fyrr upp. Reyndar er grænkál eitt harðgerðasta grænmeti í heimi og getur vaxið fram að jólum og auk þess er sjaldgæft að grænkál verðir fyrir skemmdum vegna plágu eða sjúkdóma. Kálið er sjaldgæft á hitabeltissvæðum þar sem það kýs fremur svalara loftslag.

     Grænkál er gott fyrir meltinguna og í því er mikið af A-, B- og C-vítamínum, járni, kalki og magnesíum. Af grænmeti að vera er mikið kalk í kálinu og það er því gott fyrir þá sem borða ekki mikið af mjólkurvörum. Grænkál er talið hafa góð áhrif á ónæmiskerfi líkamans og geta jafnvel minnkað líkurnar á krabbameini og hjarta- og æðasjúkdómum.

     Grænkál er hægt að nota eins og spínat, það er borðað hrátt og soðið, notað í súpur, salöt, pottrétti, bökur, jafninga og kartöflumús, djúpsteikt og margt fleira. Auðvelt er að frysta það og það verður örlítið sætara og bragðmeira eftir að hafa verið fryst.