Svartir tómatar

- hressandi ...

Kannski ekki alveg kolsvartir en mun dekkri en við eigum að venjast. Reyndar eru til mörg afbrigði af svörtum tómötum en það sem sést hefur í verslunum hér að undanförnu kallast Kumato og er ræktað í Aguioas á Spáni út frá tómatategund sem er að finna á Galapagoseyjum í Kyrrahafi.

Sagt er að þeir hafi kynörvandi áhrif og það hafi glögglega sést á risaskjaldbökunum sem átu þá og voru mun fjörugri en þær sem fengu venjulega tómata ...

Hvað sem því líður eru þetta hollir og bragðgóðir tómatar, ívið sætari en flest rauð afbrigði og einkar skemmtileg tilbreyting við hefðbundnari tegundir. Notið þá ferska í salöt og þess háttar, þannig njóta bæði litur og bragð sín best.