Langsagað lambalæri með jógúrtkryddlegi

Fljótleg útgáfa af hinu sívinsæla lambalæri

1 lambalæri, án lykilbeins og sagað eftir endilöngu (biðjið afgreiðslufólk í kjötborði að saga lambalærið eftir endilöngu)

Jógúrtkryddlögur:

2 dl jógúrt, hreint

2 hvítlauksgeirar, pressaðir

2 msk. engiferrót, smátt söxuð

3 msk. sítrónusafi

1 tsk. kummin

1 tsk. kóríanderfræ, steytt

½ tsk. kardimommur, steyttar

½ tsk. salt

3 msk. mynta, smátt söxuð

Setjið allt í skál og blandið vel saman. Veltið lambinu upp úr kryddleginum og geymið í kæli í 2-12 klst.

Strjúkið megnið af kryddleginum af kjötinu og grillið á meðalheitu grilli í 25-30 mín. Snúið kjötinu reglulega. Berið kjötið fram með t.d. grilluðu grænmeti og bökuðum kartöflum.

Dominique og Eymar mæla með klassískum vínum, ferskum og ungum – til dæmis frá Bordeaux – Château de Barbe Blanche, Château Teyssier – eða Chile, Casa Lapostolle Cabernet Sauvignon.