Ostanámskeið Búrsins

Ostaskólinn

Sælkeraverslunin Búrið býður nú upp á námskeið í ostaást en þar leggur Eirný Sigurðardóttir sig fram um að miðla af þeirri þekkingu og ástríðu sem hún hefur á ostum. Fróðleikurinn rennur ljúflega saman við ostana og meðlætið sem í boði er. Í boði eru námskeið fyrir byrjendur sem og lengra komna og einnig námskeið í því hvernig hægt er að slá í gegn með ostum í veislunni. Námskeiðin kosta frá 3.200-3.900 kr. og innifalið í þeim öllum eru ostar og meðlæti til að smakka á, tilvalin jólagjöf til ostaáhugamannsins eða handa manni sjálfum í skóinn.

Í Búrinu er einnig hægt að fá gjafabréf og miðla þannig ostaást sinni til vina og vandamanna.

Búrið er staðsett í Nóatúni 17 og er einnig með glæsilega heimasíðu, www.burid.is.