Tb forsíða neðri

Kornflakes-kökurnar hennar mömmu

Þau leiðu mistök áttu sér stað að í uppskrift að vinningsuppskrift í Kornax smákökusamkeppni prentaðist saltmagn í tvígang. Hið rétta er að magnið á að vera ¼ tsk.

Uppskriftin er rétt svona:

Kornflakes-kökurnar hennar mömmu

eftir Huldu Maríu Magnúsdóttur

100 g smjörlíki eða smjör

1 dl sykur

1 dl púðursykur

1 egg

1 tsk. vanilludropar

2 dl Kornax-hveiti

2 dl haframjöl

2 dl kornflakes, lítillega mulið

1 dl kókosmjöl

½ tsk. matarsódi

¼ tsk. salt

Hrærið smjör og sykur vel saman í hrærivél. Bætið eggi út í og hrærið vel saman. Setjið vanilludropa saman við og hrærið áfram. Blandið öllum þurrefnum saman og setjið síðan út í, hrærið varlega þar til deigið er orðið samfellt. Geymið deigið í kæli í a.m.k. klukkustund, má vera yfir nótt. Mótið litlar kúlur úr deiginu og raðið á smjörpappírsklædda bökunarplötu, kökurnar renna aðeins út á plötunni. Bakið við 190°C í 10-15 mínútur. Kökurnar verða yfirleitt aðeins dökkar á köntunum. Þegar kökurnar eru komnar úr ofninum er súkkulaðidropi settur ofan á hverja köku. Einnig má pensla þær með bræddu súkkulaði þegar þær jafa kólnað aðeins eða setja hálfa möndlu á hverja köku áður en þær fara í ofninn.

Þú ert hér

Forsíða > Greinasafn > Tb forsíða neðri

gestgjafinn.is

Innskráning

Flokkaðar greinar

Uppskrift vikunnar

Reykt hrefnurúlla Úlla með sesamosti

Hrefnukjöt fæst núorðið í stórmörkuðum árið um kring en það er sannkallað sælkerafæði og ekki spillir að það er á góðu verði. Nota má reykta villibráð eða hangikjöt í stað reyktrar hrefnu. Lesa meira

Hráefni vikunnar

Hnetur

Þegar gengið er um dönsku beykiskógana tekur maður eftir því að sum beykitré, sem eru annars bein og hávaxin, eru í kippum, 3-4 sem vaxa saman á sama stað. Þau tré eru kölluð „musebög“ og skýringin er einföld og falleg: mýsnar safna saman hnetunum af beykitrjánum og grafa þær í jörðu fyrir veturinn. Svo eiga þær það til að gleyma hvar birgðirnar liggja og hneturnar spíra og verða að trjám, 3-4 eða fleiri eftir því hvað músin var stórtæk. Íkornar, mýs og fleiri dýr safna hnetum að hausti því þær geymast sérstaklega vel í skelinni sinni – og við gerum það sama. Hnetur og sveppir, sérstaklega trufflur, kantarellur og kóngssveppir, mandarínur og fyrstu appelsínurnar sem koma frá Norður-Afríku, Sikiley eða Suður-Spáni koma á markaðinn um þessar mundir og það er farið að ilma af jólum. En það liggur margt á bak við einfaldar hnetur sem við kaupum hér eins og bland í poka – þær fást nefnilega líka ferskar og eru hnossgæti. Lesa meira

Leit á vefsvæðinu

Efraval

Vín vikunnar

Château Haut Bourcier ****1/2

Skemmtilega persónugert Bordeaux frá óþekktu Bordeaux-svæði hér á landi – AOC Côtes de Blaye, á hægri bakkanum. Þar og í Côtes de Bourg sem er við hliðina, á sér nefnilega stað mesta þróun í Bordeaux hvað varðar gæði og verðin eru mjög viðráðanleg. Nágrannar okkar í Danmörku, Svíþjóð og Noregi hafa skilið það fyrir löngu. Þetta Château er í stærra lagi, 30ha, og vínið er blanda af merlot (90%) á móti cabernet sauvignon (10%).

Lesa meira

Leturstærð:

Þessi vefur