Uppskrift að tabenade

Í síðasta tölublaði féll uppskriftin að tabenade niður í viðtali við Sigríði Sunnevu Vigfúsdóttur. Við biðjumst velvirðingar á þessum mistökum en uppskriftin birtist hér:

Grænt tabenade á hvítan fisk

fyrir 4-6

1 kg þorskur (má líka vera hvaða fiskur sem er)

1 sítróna, safinn úr henni

ólífuolía, til að dreypa yfir

Maldon-salt

Skerið þorskinn í stóra bita og setjið í eldfast mót. Kreistið safa úr sítrónunni

 yfir og dreypið síðan ólífuolíu yfir. Einnig má sáldra örlitlu Maldon-salti

 á fiskinn, ef fólk vill. Hitið ofninn í 200°C og bakið fiskinn í 5-7 mín.

Grænt tabenade

500 g grænar ólífur

hnefafylli af ítalskri steinselju

4 msk. furuhnetur

1 stk. sítróna, safinn úr henni og rifinn börkur

2 hvítlauksgeirar, marðir

½ tsk. þurrkaðar chili-flögur

2 msk. kapers

1 dl ólífuolía

Setjið allt hráefnið sem á að fara í tabenade í matvinnsluvél og maukið. Passið samt að mauka ekki of mikið. Smyrjið frekar þunnu lagi af tapenade á fiskinn. Berið fram með nýjum soðnum kartöflum (ekki ofsoðnum), afganginum af tabenade-inu og mozzarella-salati.