---

Glæsilegur árangur íslenska kokkalandsliðsins

Íslenska kokkalandsliðið keppti á Ólympíuleikunum í Erfurn

 

Íslenska kokkalandsliðið náði sínum besta árangri á Ólympíuleikunum í matreiðslu til þessa en liðið náði 10. sæti af 32. Stigagjöf á Ólympíuleikunum er nokkuð flókin en kokkalandsliðið hlaut gull fyrir heita borðið sitt og eitt gull og tvö silfur fyrir kalda borðið en fyrir það er dæmt í þremur liðum. Ákveðinn stigafjöldi liggur að baki þessu medalíum, þegar stigin ná ákveðnum fjölda er talað um brons, silfur eða gull en þeir sem ná ekki upp í brons-stigagjöf fá svokallað „diploma“ fyrir þann lið sem verið er að dæma. Til samanburðar má geta þess að lið Dana hlaut þrenn gullverðlaun fyrir kalda borðið sitt sem dugði þó ekki til að skáka Norðmönnum sem náðu 1. sæti á leikunum og voru með hærri stigafjölda að baki hverju gulli.

 

Mikill undirbúningur liggur að baki keppninni og íslenska kokkalandsliðið lagði á sig þrotlausar æfingar sem skiluðu sér svo sannarlega í glæsilegum réttum bæði á heita og kalda borðinu. Kalda borðið var hannað af landsliðinu í samvinnu við Marel og var stílhreint og fallegt.

 

Við á Gestgjafanum erum stolt af landsliðinu okkar og óskum þeim innilega til hamingju með þennan glæsilega árangur.

Fleiri fréttir og myndir má nálgast á vef Freistingar, www.freisting.is.

 

 

 

 

 

 

 

 

 

 

 

 

 

Landsliðið skipa:

Bjarni Gunnar Kristinsson, Grillið RadissonSAS Hótel Saga

Ragnar Ómarsson, Domo

Alfreð Ómar Alfreðsson, Kaupþing banki

Gunnar Karl Gíslasson, Vox Hilton Nordica

Eyþór Rúnarsson, Veitingastaðurinn Ó

Hrefna Rós Jóhannsdóttir Sætran, Fiskmarkaðurinn

Þórarinn Eggertsson, Orange

Þráinn Freyr Vigfússon, Grillið RadissonSAS Hótel Saga

Örvar Birgisson, Nýja Kökuhúsið

Karl Viggó Vigfússon, GV Heildverslun

 

Aðstoðarmenn:

Vigdís Ylfa Hreinsdóttir, Sjávarkjallarinn

Guðlaugur Frímannsson, Fiskmarkaðurinn

Óli Ágústsson, Vox Hilton Nordica

Þórður Matthías Þórðarson, Salthúsið Restaurant

Daníel Cochran Jónsson, Fiskmarkaðurinn

 

 

Niðurröðun í fyrstu 10 sætin var eftirfarandi:

1. Noregur

2. Þýskaland

3. Svíþjóð

4. Singapúr

5. Kanada

6. Danmörk

7. Bandaríkin

8. Sviss

9. Ástralía

10. Ísland

 

Heiti maturinn:

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Kalda borðið:

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Upplýsingar eru fengnar úr fréttum á www.freisting.is og af opinberum vef keppninnar. Myndirnar tók Guðjón Steinsson, matreiðslumeistari.