Hákon Már er mættur á svæðið

Hákon Már Örvarsson er mættur til leiks eftir  smá hlé og ævintýramennsku í útlöndum. Nú er hann kominn að rekstri veitingahúss og fer sínar leiðir. Það er veitingastaðurinn Gló við Engjateig þar sem Yogasetrið er til húsa. Þar hefur Guðni Gunnarsson og Guðlaug Pétursdóttir rekið veitingahús þar sem áhersla hefur verið lögð á heilsusamlega matseld og Hákon mun taka þá hugmynd enn lengra. Hann er þekktur fyrir áherslu sem hann hefur lagt á svokallaða Slow food matargerð og þar með að nota hráefni úr næsta nágrenni. “Ég mun halda þeirri stefnu og með tímanum safna ad okkur byrgjum sem geta hjalpad okkur vid það. Grunnhugsuninni sem Guðni og Guðlaug lögðu af stað með verður haldið en ég kem að matseldinni með mínar áherslur. Ég hef mikinn metnað til að gera þennan veitingastað mjög merkilegan og þannig úr garði gerðan að gestir geti treyst því að finna hér hollan og heilsusamlegan mat sem uppfyllir kröfur matgæðinga en samt á viðráðanlegu verði. Við munum hafa hér lífrænt hráefni eins langt og það nær,” segir Hákon.

En Hákon, stundarðu jóga? 

“Já, ég er byrjaður að gera það. Það er ekki hægt annað í þessu húsi jógalistarinnar. Hér er góður andi og gott að slaka á hvort sem er yfir góðum mat eða í jógastund,” segir Hákon að lokum hæstánægður með að vera kominn aftur heim, reynslunni ríkari.