SÆLKERAFERÐ TIL BERLÍNAR 19.-22. OKTÓBER.

SÆLKERAFERÐ EXPRESS FERÐA OG GESTGJAFANS TIL BERLÍNAR 19.-22. OKTÓBER.

SÆLKERAFERÐ EXPRESS FERÐA OG GESTGJAFANS TIL BERLÍNAR 19.-22. OKTÓBER.

Verð fyrir lesendur Gestgjafans: 56.400 kr.

Fararstjóri: Kjartan Ólafsson matgæðingur.

Vegna sívaxandi vinsælda Berlínar og geysilegs úrvals rómaðra veitingastaða í borginni hafa Express Ferðir og Gestgjafinn ákveðið að bjóða lesendum Gestgjafans upp á einstaka ferð til Berlínar undir leiðsögn Kjartans Ólafssonar matgæðings og annars af tveimur veitingahúsarýnum blaðsins.

Berlín er tvímælalaust ein forvitnilegasta borg álfunnar, ekki síst fyrir vöxt hennar og viðgang eftir fall múrsins 1989. Saga borgarinnar er saga hæstu hæða og mestu niðurlæginga sem ein borg getur orðið fyrir.

Boðið verður upp á skoðunarferðir um borgina þar sem saga hennar er rakin og farið á athyglisverðustu staðina undir leiðsögn sérfróðs fararstjóra.

Einnig verða í boði á laugardags- og sunnudagskvöldið sameiginlegir sælkerakvöldverðir á frábærum veitingastöðum.

Föstudaginn 19. október verður flogið beint til Berlínar kl. 15:20 og áætlunarbíll flytur farþega á Park Inn hótelið sem er á Alexanderplatz í austurhluta borgarinnar. Þetta er 4* hótel og staðsetningin er hreint frábær – stutt í sögufræga staði og rómað veitingahúsahverfi sem upplagt er að skoða eftir að komið er á hótelið um kl. 21:00.

Laugardaginn 20. október verður boðið upp á skoðunarferð um borgina sem stendur yfir í 4 klukkustundir. Fararstjóri er Freyja Gunnlaugsdóttir klarinettleikari sem búið hefur í Berlín í mörg ár.

Um kvöldið verður sameiginlegur sælkerakvöldverður á veitingastaðnum Hugo á Intercontinental-hótelinu en staðurinn hefur hlotið Michelin-stjörnu auk frábærra dóma hinna ýmsu fagtímarita.

Sunnudaginn 21. október verður farið í gönguferð um „hulda heima“ Austur-Berlínar með viðkomu á spennandi kaffihúsum og „pöbbum“ þar sem hægt er að gæða sér á pylsum og bjór að hætti Berlínarbúa.

Sameiginlegur sælkerakvöldverður um kvöldið.

Mánudagur 22. október. Dagurinn verður frjáls enda upplagt að líta í verslanir. Hópurinn byrjar á að fara saman í stærstu matvöruverslun Þýskalands í elsta og virtasta verslunarhúsi landsins sem kallast KADEWE eða Kaufhaus des Westens. Matvörubúðin á efstu hæð er eins og fótboltavöllur og þar er hægt að gleyma sér við að skoða hið gríðarlega úrval áhugaverðrar og sjaldséðrar matvöru.

Brottför frá hóteli verður kl. 18:30 og brottför flugs kl. 21:00.

Verð á mann í tvíbýli er 56.400 kr. og innifalið er flug með sköttum, akstur til og frá flugvelli, gisting á 4* hóteli með morgunverði og íslensk fararstjórn.

Nánari upplýsingar er að finna á www.expressferdir.is eða í síma 590 0100.