Í síðasta mánuði fórum við af stað með sérstakt net-happdrætti fyrir áskrifendur Gestgjafans. Vinningurinn var einkar glæsilegur; matreiðslunámskeið á Hótel Holti fyrir allt að 9 manns undir stjórn yfirmatreiðslumannsins Friðgeirs Inga Eiríkssonar sem mun kenna þeim meistarataktana og aðstoða við eldamennskuna Lesa meira

Þetta er ekkert grín, framparturinn er eldaður í 24 klst. en hentar samt vel fyrir önnum kafið fólk. Skellið frampartinum í ofninn að kvöldi (um það leyti sem þið viljið borða kvöldmatinn daginn eftir) og njótið þess að kvöldmaturinn hefur séð um sig sjálfur á meðan allir voru í vinnunni eða skólanum. Frábær sunnudagssteik fyrir alla daga vikunnar og ekki spillir að stinga hvítlauksgeirunum inn í kjötið til að fá meira bragð. Lesa meira

Borgarbúar hafa fengið sannkallaða matarást á veitingastaðnum Oshushi í Iðuhúsinu við Lækjargötu sem býður upp á ljúffenga og litríka sushi-bita á færibandi. Nú hafa eigendurnir, systkinin Anna Þorsteinsdóttir og Kristján Þorsteinsson, fært út kvíarnar og opnað nýjan og glæsilegan Osushi-stað í Borgartúni 29 Lesa meira

Þann 7. október var keppnin um matreiðslumann ársins 2008 haldin í Menntaskólanum í Kópavogi. Keppendur höfðu 5 klst. til að útbúa þriggja rétta máltíð fyrir 10 manns. Keppnin var geysihörð og fá stig skildu keppendur að. Í fyrsta sæti var Jóhann Steinn Jóhannesson frá veitingahúsinu Silfur Lesa meira

Dagana 21. – 24. febrúar nk. verður mikil hátíðarstemmning á landsbyggðinni í tilefni af Food & Fun, sem við köllum á ástkæra og ylhýra ... Fóður og fjör.

Ellefu hótel og veitingastaðir í öllum landsfjórðungum hafa tekið sig saman undir merkjum Food & Fun og bjóða upp á lífsstílshátíð sem á sannarlega eftir að lífga upp á skammdegið

Lesa meira

Kartöfluuppskera fyrsta dagsins er ekki stór og reynsla undanfarinna ára sýnir að ekki fá allir sem vilja á fyrsta uppskerudegi. Því er bent á að kartöflur verða teknar upp daglega  næstu vikurnar og þær sendar í verslanir jafn óðum. Ættu því allir að geta gætt sér á nýjum íslenskum kartöflum í sumar.  

Lesa meira

Í maí sl. var þing norrænna matreiðslumanna, eða NKF-þing eins og það er kallað, haldið í Turku í Finnlandi. NKF stendur fyrir Nordisk Kjökkenchef Federation eða Samtök norrænna matreiðslumanna. Þessi þing eru haldin annað hvert ár. NKF eru mjög mikilvæg samtök fyrir norræna matreiðslumenn og ekki síst fyrir þá sem koma frá litlum löndum eins og Íslandi Lesa meira

Penslið alltaf létt yfir grillristina með olíu áður en grillað er. Það hindrar að maturinn festist við. Notið aldrei steikingarolíu í úðabrúsum til þess að úða á logandi grill. Það getur orsakað hið mesta bál þar sem brúsarnir innihalda eldfim efni. Lesa meira

Varla er nokkur franskur veitingastaður sem ekki býður upp á eggjaeftirrétt í einhverri mynd. Frakkar nota eggjakrem mikið í tertur og eftirrétti og bera það líka gjarnan fram með epla- og súkkulaðikökum í staðinn fyrir rjómaslettu Lesa meira

„Íslenskt eldhús“ er eitt af þessum hugtökum sem maður fer allt í einu að heyra úr ýmsum áttum en kemst fljótt að því að fólk á ekkert endilega við sama hlutinn þegar það talar um íslenskt eldhús. Þar með er ég alls ekki að segja að þetta sé innantómt hugtak, langt frá því. Lesa meira

Það er ekki æskilegt að bjóða upp á eintómar marenstertur, rjómatertur og aðrar hnallþórur þegar haldið er kaffisamsæti. Samt er eiginlega ómissandi að hafa eina eða tvær slíkar með á borðinu. Þá er líka betra að þær séu vel valdar og hér koma nokkrar úrvalsgóðar tertur sem ættu að kitla bragðlaukana svo um munar – sætar en þó ekki dísætar, ljúffengar en ekki væmnar, fallegar á borði en ekki ofskreyttar  – sannkallaðar sælkeratertur.

Lesa meira

Þegar maður vill bjóða saumaklúbbnum – eða hvaða gestum sem er – upp á eitthvað einfalt, gómsætt og ekkert afskaplega óhollt með kaffinu, þá er tilvalið að baka kryddbrauð eða kryddköku. Lesa meira

Súkkulaði er freisting sem fáir standast. Það er gott eins og það kemur fyrir og svo er afskaplega auðvelt að búa til úr því alls kyns kræsingar; kökur, smákökur og sætabrauð, búðinga, ís, sósur, sælgæti og drykki – það er jafnvel hægt að nota það í ýmsa ósæta rétti. Súkkulaði er til í ýmsum myndum en margir súkkulaðisælkerar eru á því að hið eina sanna súkkulaði sé dökkt, sætbeiskt og afar bragðmikið. Lesa meira

Á dögunum var boðið til kynningar á íslenskum ostum úr sauða- og geitamjólk í húsakynnum Osta- og smjörsölunnar. Ostarnir voru framleiddir nú í sumar í Mjólkursamlaginu í Búðardal og er framleiðsla þeirra hluti af tilraunaverkefni með vinnslu á afurðum úr sauða- og geitamjólk sem fór af stað í fyrra. Lesa meira

Í byrjun þessa árs var haldið fyrsta meistaramót kaffibarþjóna í Kenía. Það sem vekur sérstaka athygli er að þrjár íslenskar konur voru fengnar til að koma keppninni á laggirnar í þessu landi þar sem margir telja að heimsins besta kaffi sé ræktað. Lesa meira

Nýbakað brauð er alltaf jafngott og best af öllu ef það er heimabakað. ,,Ég nenni ekki að hanga yfir brauðbakstri á sumrin,” er setning sem ég heyri stundum og get vissulega tekið undir, en málið er bara að brauðbakstur þarf alls ekki að vera tímafrekur og á reyndar helst ekki að vera það. Þvert á móti, við ætlum ekki að baka okkur nein vandræði. Lesa meira

Hjónin Skúli Hauksson og Elsa Pétursdóttir í Útey eru dæmi um samhent hjón sem hafa líf og yndi af vinnunni enda má segja að það séu ákveðin forréttindi að fá að starfa við það sem þau gera. Útey er jörð rétt við Laugarvatn í Bláskógabyggð og þar hafa þau komið upp reykhúsi ásamt því að selja ferskan silung. Þau Skúli og Elsa nýta vel það sem kemur úr vötnunum, Laugarvatni og Apavatni. Lesa meira

Þann 10. júní sl. tók nýtt hótel til starfa í hjarta Reykjavíkur og hefur það hlotið nafnið Radisson SAS 1919 Hótel. Á jarðhæð hússins er veitingastaðurinn Salt og eru miklar vonir bundnar við hann, enda enginn aukvisi þar í brúnni. Lesa meira

Þegar sól skín í heiði og sumar tekur völd er gaman að fara í lautarferð, hvort heldur er með börnunum, vinum eða ástinni sinni. Lesa meira