gestgjafinn.is

Tb forsíða

Ofurfæði

Við sýnum ykkur í þessu tölublaði hvernig hægt er að taka inn í daglega fæðu sumt af því sem forfeður okkar fundu út að gerir líkamanum gott. Sumt hefur núna verið vísindalega sannað að er rétt. Annað tökum við trúanlegt af því að gengnar kynslóðir þrifust vel á þessu fæði.

Sjá nánar

Greinasafn

Ostanámskeið Búrsins

Sælkeraverslunin Búrið býður nú upp á námskeið í ostaást en þar leggur Eirný Sigurðardóttir sig fram um að miðla af þeirri þekkingu og ástríðu sem hún hefur á ostum. Fróðleikurinn rennur ljúflega saman við ostana og meðlætið sem í boði er. Sjá nánar

Alpakaka

Fyrir mistök birtist uppskriftin að Alpakökunni ekki rétt í síðasta tölublaði. Í henni eiga að vera 3 egg sem eiga að hrærast saman við sykurinn og smjörið sem hefur verið hrært saman þar til það er létt og kremkennd. Við biðjumst velvirðingar á þessum mistökum. Sjáið uppskriftina hér eins og hún á að vera. Sjá nánar

Kornflakes-kökurnar hennar mömmu

Þau leiðu mistök áttu sér stað að í uppskrift að vinningsuppskrift í Kornax smákökusamkeppni prentaðist saltmagn í tvígang. Hið rétta er að magnið á að vera ¼ tsk. Sjá nánar

Kornax og Gestgjafinn efna til smákökusamkeppni

Kornax, í samstarfi við Gestgjafann, hefur ákveðið að halda smákökusamkeppni. Þema keppninnar verður „gamla fjölskylduleyndarmálið“. Dæmt verður eftir bragði, áferð, lögun og lit og hvort sýnishorn séu einsleit og vel unnin. Skilyrði er að nota Kornax hveiti. Sjá nánar

Þú ert hér

Forsíða

gestgjafinn.is

Innskráning

Uppskrift vikunnar

Reykt hrefnurúlla Úlla með sesamosti

Hrefnukjöt fæst núorðið í stórmörkuðum árið um kring en það er sannkallað sælkerafæði og ekki spillir að það er á góðu verði. Nota má reykta villibráð eða hangikjöt í stað reyktrar hrefnu. Lesa meira

Leit á vefsvæðinu

Hráefni mánaðarins

Hnetur

Þegar gengið er um dönsku beykiskógana tekur maður eftir því að sum beykitré, sem eru annars bein og hávaxin, eru í kippum, 3-4 sem vaxa saman á sama stað. Þau tré eru kölluð „musebög“ og skýringin er einföld og falleg: mýsnar safna saman hnetunum af beykitrjánum og grafa þær í jörðu fyrir veturinn. Svo eiga þær það til að gleyma hvar birgðirnar liggja og hneturnar spíra og verða að trjám, 3-4 eða fleiri eftir því hvað músin var stórtæk. Íkornar, mýs og fleiri dýr safna hnetum að hausti því þær geymast sérstaklega vel í skelinni sinni – og við gerum það sama. Hnetur og sveppir, sérstaklega trufflur, kantarellur og kóngssveppir, mandarínur og fyrstu appelsínurnar sem koma frá Norður-Afríku, Sikiley eða Suður-Spáni koma á markaðinn um þessar mundir og það er farið að ilma af jólum. En það liggur margt á bak við einfaldar hnetur sem við kaupum hér eins og bland í poka – þær fást nefnilega líka ferskar og eru hnossgæti. Lesa meira

Veitingahúsarýni

Rauðará við Rauðarárstíg

Rauðará, við Rauðarárstíg, er staður sem átt hefur vinsældum að fagna undanfarin misseri. Staðurinn hefur verið við lýði í meira en áratug og staðsetning hans er skemmtileg og miðsvæðis uppundir Klambratúni. Húsið sem hýsir Rauðará á sér býsna merka sögu en þar hóf Hólmjárn nokkur öl og gosdrykkjaframleiðslu árið 1928 (rétt fyrir síðustu efnahagskreppu) undir nafninu Þór. Árið 1967 tók Ölgerð Egils Skallagrímssonar við og þarna var brugghús allt til ársins 1985. Ýmis ummerki á staðnum sýna svo ekki verður um villst að þarna var áður drykkjarframleiðsla. Rauðará er ekki eina veitingahúsið sem starfrækt hefur verið í húsinu en áður var rekinn þarna líbanskur staður.

Lesa meira

Efraval

Spurt og svarað

Vín mánaðarins

Château Haut Bourcier ****1/2

Skemmtilega persónugert Bordeaux frá óþekktu Bordeaux-svæði hér á landi – AOC Côtes de Blaye, á hægri bakkanum. Þar og í Côtes de Bourg sem er við hliðina, á sér nefnilega stað mesta þróun í Bordeaux hvað varðar gæði og verðin eru mjög viðráðanleg. Nágrannar okkar í Danmörku, Svíþjóð og Noregi hafa skilið það fyrir löngu. Þetta Château er í stærra lagi, 30ha, og vínið er blanda af merlot (90%) á móti cabernet sauvignon (10%).

Lesa meira